• TW❤️HK

7.1 助派《蘋果》單張 業主拒續約月中結業 黃報販貞姐:有啲嘢可以做就做


今日(7 月 1 日)是百年黨慶、主權移交 24 年,有網民自發製作 7.1 版《蘋果日報》單張,在香港各處派發,其中一個派發點,是在灣仔皇后大道東的「黃報攤」,貞姐的報檔,但貞姐透露,原來該報檔業主政見不同,近日拒絕和她續約,報攤只能營運到本月 16 日,貞姐正尋找其他合適的報攤繼續做下去,但她相信「有生有死,死咗先會有新嘅嘢生出嚟」,亦認為香港人不需因目前困境太傷感,「有啲嘢可以做就做」。


貞姐是著名的「黃報販」,除了今日協助派發 7.1 版《蘋果日報》單張,她的報檔還掛著「加油站」字牌,報章上放著「香港人加油」裝飾,旁邊置著「我真係好撚鐘意賣蘋果」的木牌。



貞姐指,自 2019 年 6 月反修例運動開始,眼見警察不斷打年輕人,心痛「點解香港會變成咁」,開始將區議員和其他市民自發製作的文宣夾進蘋果日報或其他報刊一同出售,冀在黑暗的日子鼓勵香港人;但現在她已把文宣收起,「宜家少少嘢都話煽動…唔係話驚咗佢,但知道佢會咁做時要避一避」,她亦坦言害怕會被控告,「但驚我都要出聲,啱嘅事就要做」,又相信若有日因派文宣被控,亦會有其他人代替她繼續做,「佢(政府)係殺我哋唔死」。


貞姐又透露,報攤業主因政治立場曾多次到場騷擾,又要求她撕掉所有文宣,「你哋都係收咗錢先咁做」;貞姐曾建議用其他報刊遮蓋文宣,但業主不接受,終拒絕和她續約,報攤只能營運至今月16日,貞姐正尋找其他合適的報攤繼續做下去。


她指自消息傳出後,有不少市民感不捨前來道別,又送她食物,「我今日都唔洗買飯」,但她相信不是終結,「有生有死,死咗先會有新嘅嘢生出嚟」。她又指自《蘋果》上星期停刊後,少了一大批熟客來買報紙,收入亦受到影響;但亦有其他顧客會轉買《明報》、《成報》及《大紀元》等。


貞姐又指這陣子香港充斥負面情緒,但香港人不需要太傷感,「我信天理循環,我哋宜家留守、靜候,有啲嘢可以做就做,好似我咁擺啲『香港人加油』喺到都係做緊嘢」。


語畢貞姐繼續工作,穿著一件印有「Hong Kong」的T-shirt,上面扣著「加油」襟章,手中拿著一幅蘋果樹的畫。





1 view0 comments